Gəncədə hansısa komandanın, istər “Qarabağ” olsun, istər “Sabah”, ya “Neftçi”, “Kəpəz”i udması çətin olacaq, bəlkə də mümkünsüz.
Demirəm “Kəpəz” əjdəhadır, möhtəşəm oyun göstərir, xeyr, komandada boşluqlar çoxdur və ümid edirik ki, düzələcək.
Məsələ bundadır ki, Gəncədə futbol fanatlarının qarşısında ən soyuqqanlı klub da davam gətirə bilməyəcək. Kaş bugünkü azarkeş coşqusunu stadionda öz gözlərinizlə görəydiniz. Tribunalar hayqırırdı…
Azərbaycanda ikinci bir klub tanımıram ki, öz komandasını bütün stadionla coşdursun. Stadion da ki, stadiondur də! Gözəl, möhtəşəm, Gəncənin adına layiq.
Hər şeydən danışdım, nəticədən yox. “Kəpəz” medallara iddialı “Turan”ı məğlub etdi. Yeri gəlmişkən, media sektorunda həmkarlarımla oyun başlamazdan əvvəl söhbət edəndə dedim ki, ürəyimə damıb, Gəncə 1:0 hesabı ilə qələbə qazanacaq…
Təbrik edirəm Gəncə! Təbrik edirəm “Kəpəz” azarkeşləri! Siz möhtəşəm idiniz!
Hamlet QASIMOV
Fikirlərini bizimlə bölüş!